گل سُن چپنا

راج لیا اپنا

وڈیاں وڈیریاں دا

ظالماں لٹیریاں دا

چھڈناں جپنا

گل سن چپنا!

راج لیا اپنا

گورے چٹے صاحباں کولوں

کالیاں نواباں کولوں

بچ ایہناں عذاباں کولوں

نئیں تاں تینو مدتاں

پوے گا کلپنا

گل سن چپنا!

سراں دیاں پوتیاں نے

پوتیاں پڑوتیاں نے

ریگناں دے طوطیاں نے

کجھ تینوں دتا ای

اینویں پیا ٹپنا

گل سن چپنا راج لیا اپنا

بندے نہیں ایہہ پیاردے

اینویں تینوں چاردے

جھوٹ پئے ماردے

ہوش کر پاگلا

چل پا کھپ نا

گل سن چپنا

راج لیا اپنا

حبیب جالب