کڑے
نہ جا امریکہ نال کڑے
ایہہ گل نہ دیویں ٹال کڑے
ایہنے قتل آزادی نوں کیتا
ایہنے ایس دھرتی دا لہو پیتا
ایہنے کٹوایا بنگال کڑے
نہ جا امریکہ نال کڑے
ایہی گل نہ دیویں ٹال کڑے
ایہہ روس دے نال لڑوند اے
اینویں لوکاں نوں مروندا ات
سانوں تیر بڑا خیال کڑے
نہ جا امریکہ نال کڑے
ایہہ گل نہ دیویں ٹال کڑے
حبیب جالب
گل ٹھیک ای کہند ساقی وی
کتے چلا نہ جاوے باقی وی
کر راکھی ملک سنبھال کڑے
نہ جا امریکہ نال کڑے
ایہی گل نہ دیویں ٹال کڑے
جام ساقی
