دنیا بھر دے کالے چٹے چور لٹیرے
سوچیں پے گئے
کیہ ہووے گ رات جے مک گئی
جے دھرتی دے کامیاں اگے
گردن جھک گئی
رات نوں روکو
روشنیاں دے ہڑ دے اگے
اچیاں اچیاں کندھاں چکو
رات نو روکو

ہڑ دی گونج تے گھو کر سن کے
تاجاں تے تختیاں دی دنیا کمب اٹھی اے
اک مٹھی اے
جدوں ایہناں دی لٹ کھسٹ نوں خطرہ پیندا
رب رسول نوں خطرے دے وچ پادی دے نیں
رب رسول دے حکم دے نال اے رہن نہیں لگے
خونی قاتل چور لٹیرے کالے بگے
جالب بھانویں لکھ اکٹھے ہوہو بہون
نہیں ہن رہنی

رات کلیہنی

حبیب جالب