زنداناں دے در نہیں کھلدے ہنجواں ہاواں نال
سجناں اے تے کھلن گے لوہے دیاں باہواں نال

ویکھ زمانہ گل کردا اے آج ہواواں نال
منزل تیرے ہتھ نہیں او٘نی صرف دعاواں نال

نہ بھل سکیا نہ بھل سکداں بیاس دے کنڈے نوں
سدا رہوے گی یاد ایہناں دی میریاں ساہواں نال

اکو رکھ اکھاں وچ وسیا کوئی نہ دسیا فیر
ساڈا راہ بدل سکدا اے کون اداواں نال

خوف دا سایا ذہن اپنے دے اون نہ دتا کول
دھن جگرا ساڈا وی جالب رہے بلاوا ں نال

اکتوبر 1985 میں میانوالی جیل میں دوران قید تحریر کی۔

حبیب جالب