چیتردا ونجارا آیا بُچکی موڈھے چائی وے– امرتا پریتم
چیتر دا ونجارا آیا بُچکی موڈھے چائی وے
اساں وہاجی پیار کتھوری ویہندی رہی لوکائی وے
ساڈا ونج مبارک سانوں ، کل ہسدی سی جیہڑی دُنیا
اوہ دنیا اج ساڈے کولوں چُٹکی منگن آئی وے
برہا دا اک کھرل بلوری جندڑی دا اساں سُرما پیٹھا
روز رات نوں انبر آکے منگدا اِک سلائی وے
دو اکھیاں دے پانی اندر، کل اساں کجھ سُپنے گھولے
ایہہ دھرتی اج ساڈے ویہڑے چُنّی رنگن آئی وے
ککھ کان دی جھگی ساڈی، جند دا موڑھا کِتھے ڈاہئیے
ساڈے گھر اج یاد تیری دی چننگ پراہونی آئی وے
ساڈی اگ مبارک سانوں سورج ساڈے بوہے آیا
اوس نے اج اک کولا منگ کے اپنی اگ سُلگائی وے
مزید پڑھیں
