ان داتا
میری جیبھ تے ___ تیرا لُون ایں
تیرا ناں___ میرے باپ دیاں ہوٹھاں تے
تے میرے ایس بُت وچ میرے باپ دا خون ایں
میں کیویں بولاں
میرے بولن توں پہلاں بول پیندا اے تیرا انّ
کچھ کو بول سن، پر اسیں انّ دے کیڑے
تے انّ بھار ہیٹھاں__ اوہ دبّے گئے ہن

ان داتا
کامے ماں باپ دے کامے نیں جم، کامے دا کم ہے صرف کم
باقی وی تاں کم کردے ایہو ہی چم
اوہ وی اِک کم ایہہ وی اِک کم۔۔

ان داتا
میں چم دی گُڈی، کھیڈ لے، کھیڈ لَے
تیرے ساہویں کھڑی’ ہاں ایہہ ورتن دی شے،جیویں چاہیں ورت لے!
اُگّی ہاں، پِسی ہاں، گُجھی ہاں، وِلی ہاں
تے اَج تّتے توے اُتے جیویں چاہیں پَرت لَے!
میں بُرکی توں ودھ کجھ نہیں جیویں چاہیں نِگل لے!
تے تُوں لاوے توں ودھ کجھ نہیں جِنّا چاہیں پگھل لے!
لاوے چ لپیٹ لے، قدماں تے کھڑی ہاں باہواں چ سمیٹ لے!
چُم لے, چَٹ لے, تے پھیر رہند کھوہند اوہدا وی کجھ وَٹ لے!

ان داتا
میری زبان تے انکار؟ ایہہ کیویں ہوسکدائے
ہاں ۔۔۔ پیار۔۔ ایہہ تیرے مطلب دی شے نہیں۔۔۔

مزید پڑھیں

Trending

Educational System of Pakistan …The Dark side