اج آکھاں وارث شاہ نوں– امرتا پریتم
اج آکھاں وارث شاہ نوں کتوں قبراں وچوں بول
اج آکھاں وارث شاہ نوں کِتوں قبراں وچوں بول
تے اج کتاب عشق دا کوئی اگلا ورقہ پھول
اک روئی سی دھی پنجاب دی تو لکھ لکھ مارے وین
اج لکھاں دھیاں روندیاں تینوں وارث شاہ نوں کہن
اٹھ دردمنداں دیا دردیا اُٹھ تک اپنا پنجاب
اج بیلے لاشاں وِچھیاں تے لہو دی بھری چناب
کسے نے پنجاں پانیاں وِچ دتی زہر رلا
تے اونھاں پانیاں دھرت نوں دِتّا پانی لا
اس زرخیز زمین دے لوں لوں پھٹیا زھر
گٹھ گٹھ چڑھیاں لالیاں پھٹ پھٹ چڑھیا قہر
ڈِہ وِلسی دا پھیر ون ون وگّی جا
اونھے ہر اِک دانس دی ونجھلی دِتی ناگ بنا
ناگاں کِلے لوک منہ بِس پھر ڈنگ ہی ڈنگ
پلوپلی پنجاب دے نیلے پَے گئے انگ
گلیوں ٹٹّے گیت پھر تر کلّیوں ٹٹی تند
ترنجنوں ٹُٹیاں سہیلیاں چرخڑے گھو کر بند
سنے سیج دے بیڑیاں لڈھن دتیاں روہڑھ
جتھے وجدی سی پھوک پیار دی اوہ ونجلی گئی گواچ
رانجھے دے سب وِیر اج بھل گئے اس دی جاچ
دھرتی تے لہُو وسّیا قبراں پیّاں چون
پریت دیاں شہزادیاں اج وچ مزاراں رون
اج سبھے کیدو بن گئے حسن عشق دے چور
آج آکھاں وارث شاہ نوں کِتوں قبراں وِچّوں بول
تے اج کتابِ عشق دا کوئی اگلا ورقہ پھول
6 Comments
[…] اج آکھاں وارث شاہ نوں– امرتا پریتم […]
[…] اج آکھاں وارث شاہ نوں– امرتا پریتم […]
[…] اج آکھاں وارث شاہ نوں– امرتا پریتم […]
[…] اج آکھاں وارث شاہ نوں– امرتا پریتم […]
[…] اج آکھاں وارث شاہ نوں– امرتا پریتم […]
[…] اج آکھاں وارث شاہ نوں– امرتا پریتم […]