کِتّھے ماں دی جائی وے کِتھے بھین دے ویر – امریتا پریتم

کِتّھے ماں دی جائی وے کِتھے بھین دے ویر
لہو ماس دی سانجھ وے کِس نے دِتّی چِیر

کِتھے انگ سہیلیاں کِتھے پِنڈ گراں
کیہہ کیہہ مینُوں بیتیاں کِس نوں دسن جاں

انگاں نالوں انگ وے کِس نے دِتّے توڑ
کچّے گھڑے وہاج کے مینوں کس نے دِتّا روہڑ.

کِتّھے جمّن والڑے کِتّھے سجّن سَین
میں تتّی دھی پنجاب دی روون تتّی دء نین

زمیں ہوئی دو پھاڑ وے کِسے نہ منگی رُکھ
لہواں نال لہو وے کِس نے کِیتے وَکھ

زور زبر دی حد وے اُتاں دی بھرمار
ایتھے وِکیا دھرم ایمان ایتھے وِکی دیس دی نار