غیراں دے سنگ جھوک وسا کے راضی ایں – ابرار ندیم

غیراں دے سنگ جھوک وسا کے راضی ایں
ساڈے سارے بھرم گنوا کے راضی ایں

اِکو حق سی ساڈا سجناں تیرے تے
ساڈے حق تے ڈاکہ پا کے راضی ایں

اسی تے تیرے مگروں جِنج وی جیندے آں
تُوں دس سانوں لُٹ لُٹا کے راضی ایں

ہُن جو کَکھوں ہولا ہویا پِھرنا ایں
جوگیاں والا حال بنا کے راضی ایں

تُوں تے اُچیاں واواں اندر اُڈنا سیں
دھرتی اُتے واپس آ کے راضی ایں

ابرارندیم