تن دا ماس کھوائی رکھنا سوکھا نہیں – ابرار ندیم
تن دا ماس کھوائی رکھنا سوکھا نہیں
تن دا ماس کھوائی رکھنا سوکھا نہیں
درداں نال بنائی رکھنا سوکھا نہیں
اج وی اوہدے ناں تے اڑیاں کردا اے
کملا من پرچائی رکھنا سوکھا نہیں
لوکاں اندر اٹھنا بہنا ہسنا وی
اپنی پیڑ لکائی رکھنا سوکھا نہیں
کدھرے کدھرے اپنی لوڑ وی پیندی اے
اپنا آپ بھلائی رکھنا سوکھا نہیں
ہر پل اوہدی یاد دی چھاویں بہہ رہنا
اک تصویر بنائی رکھنا سوکھا نہیں
مزید پڑھیں
