چاندی دیاں گولیاں
شام دی پھکی پھکی
اُڈی اُڈی دھند وچوں
نمے نمے ٹانویں ٹانویں
تارے پیا ویکھدا
دور اج پنڈ توں
میں ڈنڈیاں تے کھڑا کھڑا
مَندراں دے کلس تے
منارے پیا ویکھدا
ہولی ہولی اڈ اڈ
رُڈیاں جیہے رکھاں اتے
بہندیاں میں ڈاراں دے
نظارے پیا ویکھدا
میں وی اج رانجھے وانگوں
ہیر کھڑیں ٹور کے
تے سُنجے سنجے آ پنے
ہزاروے پیا ویکداں
پون دے پھر اٹے
میرے کولوں روندے لنگھ رہے نیں
جاپدے نیں جیویں اج
دے رہے نیں الاہنیاں
پپلی دا رکھ
جیہرے تھلے دو ویں بیٹھے ساں
اوہدیاں ایالی کسے
چھانگ لیاں ٹاہنیاں
گوہلاں کھان گُھگیاں
جو دونِت آؤندیاں سی
اوہ وی اج سارا دن
آئیاں نہیں نمانیاں
دھرتی دی ہِک تے
رمائی میرے دکھاں دی دھونی
اگ اسمانیں لائی
ہوکیاں نے ہانیاں
ایہدا اکا دکھ نہیں
کہ اج توں پرایا ہویوں
دکھ ہے کہ تینوں مینوں
کوڈیاں نیں پیاریاں
دکھ ہے شکاری کسے
محلاں اوہلے لک کے تے
چاندی دیاں گولیاں
نشانے بنھ ماریاں
دکھ نہیں کہ تیرے نال
کھیڈ ننگی کھیڈ یا نہ
دکھ ہے کہ نیہاں کاہنوں
ریتاں تے اُساریاں
دکھ نہیں کہ راہیاں پیریں
لکھاں سولاں پُڑگئیاں
دکھ ہے کہ راہوں ہی
نگھٹیاں وچاریاں
منیا پیار بھانویں
روحاں داہی میل ہوندے
دیر پا کے سیونک
لگ جاندی ہے سریراں نوں
لنگھدے جوانیاں دا
ہاڑ بڑی چھیتی چھیتی
ساؤن ایہہ جنگال دیندا
نیناں دیاں تیراں نوں
پر نہیں وے ہوندے سپ
موتیاں دے رگڑاں چ
اکو جیہے نہیں پت پیندے
بوہڑاں تے کریراں نوں
سئیون نو تاں لکھ واری
سیتیاں وی جاندیاں نیں
ناں پر لیراں رہندے
سیوں کے وی لیراں نوں
ٹھیک ہے کہ چن تارے
بھاویں اج بندے دے نیں
بندہ پر حالے تیک
ہویا نہیں وے بندے دا
سسی دا بھنبھور
لٹ پٹ کے وی حالے تیک
ہوتاں ساتھ چھڈیا
نہیں ڈاچیاں دے دھندے دا
حداں بنے بنھ کے وی
گوریاں تے کالیاں نے
ہتھیں رسہ چھڈیا نہیں
مذہباں دے پھندے دا
لونے پانی اکھادے دا
حالے کوئی نہیں مل پیند
مل بھانویں پیا پیندائے
پانی گندے مندے دا
رب جانے کنا اجے
ہور میرا پینڈا رہندائے
کدوں جا کے مکنے
کوہ میرے ساہواں دے
کنا چر حالے ہور
سوہنیاں نے ڈبنا ایں
کنا چر لتھنے
طوفون نہیں جھنا نہواں دے
کنا چر پیلکاں نے
کھولیاں ج اگنا ایں
کنا چر راہیاں نے
دل ٹھگنے نیں راہواں دے
کنا چر ڈولیاں
تے رکھاں اچ جنازے جانے
کناں چر سودے ہونے
دھیاں بھیناں ماواں دے
شیو کمار بٹالوی
