جتی بازی ہار کے خوش آں

جتی بازی ہار کے خوش آں

میں تینو خوش کر کے خوش آں

سینے لا کے ٹھار وے سوہنے

اینج ٹھاریں تے ٹھر کے خوش آں

موت تو کوئی لک سکدا اے

جان تلی تے دھر کے خوش آں

ڈُبن والے ڈھیر دکھی نئیں

میں وی کیڑا تر کے خوش آں

اکھاں نو کوئی روگ نئیں جی

دل دی چٹی بھر کے خوش آں

خوف خوشی بے جوڑ نے بھاویں

سوہنے رب توں ڈر کے خوش آں

تجمل کلیم

انتخاب:عامر علی

Avatar of تجمل کلیم

تجمل کلیم

https://fruit-chat.com/punjabi-vera/tjamal-kaleem/

پنجابی دی چھوٹی بحر دا وڈا شاعر

Related post