اینے سوہنے نین کسے دے – تجمل کلیم

اینے سوہنے نین کسے دے


اینے سوہنے نین کسے دے
پر کیہہ کریئے ہین کسے دے

کاں کاں کنیں پے جاوے تے
دل نوں دھوکھے پین کسے دے

اج اوہ محفل وچ آون گے
ساہ ای کھوہ نہ لین کسے دے

دے دیدار تے چین دوا دے
کم آ جا بے چین کسے دے

بُھورا اندر وِچھ جاندا اے
بھاویں ہوون وین کسے دے

مزید پڑھیں

admin

http://fruit-chat.com

میری موج میری سوچ

2 Comments

Leave a Reply

Your email address will not be published. Required fields are marked *