جہڑا ویہر کھلوتا سی جگ اگے – تجمل کلیم

جہڑا ویہر کھلوتا سی جگ اگے

جہڑا ویہر کھلوتا سی جگ اگے
ہار ڈگیا پیو دی پگ اگے

تیری واج ای دسے گی راہ مینوں
بڑی دُھوڑ اے چاواں دے وگ اگے

عشق عقل نوں سُٹ کے کنڈ پچھے
مال آپ رکھاندا اے ٹھگ اگے

سُجے پیر مجبوری دے چھالیاں توں
اُتوں عشق نے آکھیا، لگ اگے

بُرے بندے دا بنے گا کیہہ خورے
سپ خوف دا پچھے، تے اگ اگے

مزید پڑھیں

admin

http://fruit-chat.com

میری موج میری سوچ

Leave a Reply

Your email address will not be published. Required fields are marked *