برسی
کل دی گل بخارہ پیا جیوندا سی
جہدی ان پئے برسی مناو دے نیں
ٹکرے ٹکرے چن چن اوہدی تقریر والے
جھوم جھوم کے سارے سناوندے نیں
باپو سہک مویا باسی ٹکڑیاں توں
پتر پوڑیاں دان کراوندے نیں
جیوندی جان رہیاں لیراں تن اُتے
مویاں بعد پئے چادر چڑھاو دے نیں
جیوندی جان نہ کھوٹھیاں رہن لئی سی
مویاں بعد مقبرے بناوندے نیں
جیوندی جان سکھ چین نہ لین دتا
مویاں بعد درود پچاؤندے نیں
دانشوراں نوں سدا خوار کردے
بھکھا ماردے سولی چڑھاوندے نیں
اپنے کیتے تے کدی نہ شرم آئی
ڈب مرن تے نہ پچھتاوندے نیں
استاد دامن
