چوراں دی پگ سادھاں لاء لئی
چار چوفیرے پے گیا شور
ایتھے ایڈی انھی پے گئی
چور وی اکھن چور او چور

چٹے کپڑے ساؤ اکھواندے
ٹھگی لا لین جاندے جاندے
ایسا اکھیں گھٹا پاندے
بھجیا صفر رومال سونگھاندے
آ جا وے بندے نوں لور
چور وی اکھن چور او چور

لٹن جنج براتی بن کے
ویچن موت حیاتی بن کے
کٹن ماس اے کاتی بن کے
دل دی تختی کالی کالی
چلدے نیں ولیاں دی ٹور
چور وی آکھن چور او چور

پھاوے ہو گئے پڑھ پڑھ منڈے
کجھ بن گئے نے چور تے غنڈے
کئی بھکھاں نے آ ن نیں پھنڈے
کئی پئے پئے ویہلے پھرن لٹور
چور وی آکھن چور او چور

گنڈھ کپاں دے ایتھے ڈیرے
لٹ پے گئی اے چار چوفیرے
کنبن بندے شام سویرے
بھل جاندے گھر جاندے ٹور
چور وی اکھن چور او چور

کالے کالے بدل ائے
بدل ویکھ کے نچن مور
کالیاں اٹاں کالے روٹ
مینہ وسا دے زور و زور
سارے رل مل ایہو اکھو
چور وی آکھن چور او چور

استاد دامن