او فرنگیاں دا کوئی نہیں پتہ لگدا
اوہ کہڑے مضمون تک پہنچ گئے نے

ویلے لد گئے تھوک لداؤن والے
چھوٹی موٹی پرچون تک پہنچ گئے نیں

روسی اڈدے سیارے نوں دیکھ کے تے
امریکی جنون تک پہنچ گئے نیں

گھر کپاہ دا اے تن تے تار کوئی نہیں
باہنے کوٹ پتلون تک پہنچ گئے نیں

کنکان ہندیاں وی روٹی لھبدی نہیں
اٹے بھڑک کے لون تک پہنچ گئے نیں

ہندوستانی ریاستاں صاف کر کے
برما چ چھڈ رنگون تک پہنچ گئے نے

پاکستانیے واہ سبحان اللہ
لیاقت علی توں نون تک پہنچ گئے نیں

استاد دامن