چاندی سونے تے ہیرے دی کان تے ٹیکس
بیٹھک ریڑھی چوبارے دھلان تے ٹیکس
ٹیکس لگا دکان تے مکان تے ٹیکس
بیٹھے تھڑے تے لگا پہلوان تے ٹیکس
عقل مند تے نال نادان تے ٹیکس
پانی پین تے روٹی دے کھان تے ٹیکس
آئے گئے مسافر مہمان تے ٹیکس
انجیل تے ٹیکس تے قران تے ٹیکس
لگ جائے نہ دین ایمان تے ٹیکس
انسان تے ٹیکس تے حیوان تے ٹیکس
دونا موئے تے جیوندے دی جان تے ٹیکس

ایس واسطے بولدا نئیں دامن
کتے لگ جائے میری زبان تے ٹیکس

استاد دامن