یہ گلیوں کے آوارہ بے کار کتے- فیض احمد فیض
- فیض احمدفیض
- December 16, 2022
- 5
- 323
- 4 minutes read
یہ گلیوں کے آوارہ بے کار کتے
یہ گلیوں کے آوارہ بے کار کتے
کہ بخشا گیا جن کو ذوق گدائی
زمانے کی پھٹکار سرمایہ ان کا
جہاں بھر کی دھتکار ان کی کمائی
نہ آرام شب کو نہ راحت سویرے
غلاظت میں گھر نالیوں میں بسیرے

Trending
جو بگڑیں تو اک دوسرے کو لڑا دو
ذرا ایک روٹی کا ٹکڑا دکھا دو
یہ ہر ایک کی ٹھوکریں کھانے والے
یہ فاقوں سے اکتا کے مر جانے والے
مظلوم مخلوق گر سر اٹھائے
تو انسان سب سرکشی بھول جائے
یہ چاہیں تو دنیا کو اپنا بنا لیں
یہ آقاؤں کی ہڈیاں تک چبا لیں
کوئی ان کو احساس ذلت دلا دے
کوئی ان کی سوئی ہوئی دم ہلا دے
مزیدپڑھیں
5 Comments
[…] یہ گلیوں کے آوارہ بے کار کتے- فیض احمد فیض […]
[…] یہ گلیوں کے آوارہ بے کار کتے- فیض احمد فیض […]
[…] یہ گلیوں کے آوارہ بے کار کتے- فیض احمد فیض […]
[…] یہ گلیوں کے آوارہ بے کار کتے- فیض احمد فیض […]
[…] یہ گلیوں کے آوارہ بے کار کتے- فیض احمد فیض […]