دنیا ہن پرانی دے نظام بدلے جان گے
دنیا ہن پرانی دے نظام بدلے جان گے
اونٹھ دی سواری دے مقام بدلے جان گے
امیری تے غریبی دے نام بدلے جان گے
آقا بدلے جان گے غلام بدلے جان گے
سلطانی بدلی جائے گی دربانی بدلی جائے گی
تعزیرات ہند دی کہانی بدلی جائے گی۔
دانائی وچ ہن نہیں نادانی بدلی جائے گی
اک اک فرنگی دی نشانی بدلی جائے گی
کھوٹھیاں چہ ڈاکواں دے ڈیرے بدلے جان گے
دنوں دنی رشوتاں دے گیڑے بدلے جان گے
اپو وچ ونڈیاں دے گھیرے بدلے جان گے
کالکھاں دے نال بھرے چہرے بدلے جان گے
کتاب بدلی جائے گی مضمون بدلے جان گے
عدالت بدلی جائے گی قانون بدلے جان گے
دلتا ے بدلے جان گے تے نون بدلے جان گے
غداریاں دیاں رگاں وچوں خون بدلے جان گے
