سحر کے خواب کا مجھ پر اثر کچھ دیر رہنے دو
- منیر نیازی
- February 18, 2023
- 0
- 95
- 2 minutes read
سحر کے خواب کا مجھ پر اثر کچھ دیر رہنے دو
کسی کے حال کی مجھ کو خبر کچھ دیر رہنے دو
جڑے ہیں ان سے نادیدہ پرانے بام و دروازے
نئے شہروں میں یہ ویران گھر کچھ دیر رہنے دو
کہیں گزرے ہوئے ایام پھر واپس نہ آ جائیں
دل بے خوف میں اس کا خطر کچھ دیر رہنے دو
منیر اس عالم روشن میں رہنا اور خوش رہنا
ابھی اس دن سے آگے کا سفر کچھ دیر رہنے دو
Related
Tags: urdu poetry