ہمیشہ دیر کر دیتا ہوں – منیر نیازی
- منیر نیازی
- January 22, 2023
- 5
- 232
- 2 minutes read
ہمیشہ دیر کر دیتا ہوں میں ہر کام کرنے میں
ضروری بات کہنی ہو کوئی وعدہ نبھانا ہو
اسے آواز دینی ہو اسے واپس بلانا ہو
ہمیشہ دیر کر دیتا ہوں میں
مدد کرنی ہو اس کی یار کی ڈھارس بندھانا ہو
بہت دیرینہ رستوں پر کسی سے ملنے جانا ہو
ہمیشہ دیر کر دیتا ہوں میں
بدلتے موسموں کی سیر میں دل کو لگانا ہو
کسی کو یاد رکھنا ہو کسی کو بھول جانا ہو
ہمیشہ دیر کر دیتا ہوں میں
کسی کو موت سے پہلے کسی غم سے بچانا ہو
حقیقت اور تھی کچھ اس کو جا کے یہ بتانا ہو
ہمیشہ دیر کر دیتا ہوں میں ہر کام کرنے میں
مزید پڑھیں
Related
Tags: urdu poetry
5 Comments
[…] ہمیشہ دیر کر دیتا ہوں – منیر نیازی […]
[…] ہمیشہ دیر کر دیتا ہوں – منیر نیازی […]
[…] ہمیشہ دیر کر دیتا ہوں – منیر نیازی […]
[…] ہمیشہ دیر کر دیتا ہوں – منیر نیازی […]
[…] ہمیشہ دیر کر دیتا ہوں – منیر نیازی […]