ان سے نین ملا کے دیکھو – منیر نیازی
- منیر نیازی
- January 13, 2023
- 0
- 103
- 2 minutes read
ان سے نین ملا کے دیکھو
ان سے نین ملا کے دیکھو
یہ دھوکا بھی کھا کے دیکھو
دوری میں کیا بھید چھپا ہے
اس کا کھوج لگا کے دیکھو
کسی اکیلی شام کی چپ میں
گیت پرانے گا کے دیکھو
آج کی رات بہت کالی ہے
سوچ کے دیپ جلا کے دیکھو
دل کا گھر سنسان پڑا ہے
دکھ کی دھوم مچا کے دیکھو
جاگ جاگ کر عمر کٹی ہے
نیند کے دوارے جا کے دیکھو
مزید پڑھیں
Related
Tags: urdu poetry