کوتوال

اسی کوتوال ساں زات دے      

              سانوں چٹے دن پئے چور                     

اسی لکھ نمازاں نیتِیاں

اسی سجدے کِیتے لکھ

اسی پکھّو وِچھڑے ڈار دے

اسی اپنے آپ توں وَکھ

 

اسی، ویکھیا دِل مخلُوق دا

دِل بُوھے بُوھے رکھ

اسی راتاں کٹِیاں جاگ کے

لگ بارِیاں نال کھلو

 

ساڈے ساہ وِچ صَبر دی چاشنی

ساڈی رگاں دے وِچ خَشبو

اسی خالی کھوکھے زات دے

سانُوں چُنجاں مارن کاں

 

اسی مَوسم کچّے عِشق دے

ساڈی دُھپ بنے، نہ چھاں

اسی مُجرم عِشق دے جُرم دے

اسی سُفنے لۓ اُڈیک

 

ساتھے لگن روز عدالتاں

سانوں پۓ جاۓ روز تارِیخ

اسی جَمدے نال دے کابھرے

اسی قِسمت نال خفاء

 

اسی بھولے وانگ کبُوتراں

اسی پاگل وانگ ھوا

اسی کوتوال ساں ذات دے

سانوں چٹے دن پئے چور

 

سانو ماریا تعبیداریاں

ناں لئے هوری ہور

ہن جگ تے نہ کوئی لوڑ دا

اسی پوٹلی لئی بنا

 

جی کردا اینج گواچنا

جیوں خشبو وچ ہوا

 

تجدید فروٹ چاٹ