اگرچہ تجھ سے بہت اختلاف بھی نہ ھُوا —پروین شاکر
اگرچہ تجھ سے بہت اختلاف بھی نہ ھُوا
اگرچہ تجھ سے بہت اختلاف بھی نہ ھُوا
مگریہ دل تیری جانب سےصاف بھی نہ ھُوا
تعلقات کے برزخ میں ہی رکھا مجھ کو
وہ میرےحق میں نہ تھااورخلاف بھی نہ ھُوا
عجب تھاجرمِ محبت کہ جس پہ دل نے میرے
سزا بھی پائی نہیں ، اور معاف بھی نہ ھُوا
ملامتوں میں کہاں سانس لےسکیں گےوہ لوگ
کہ جن سے ، کوئے جفا کا طواف بھی نہ ھُوا
عجب نہیں ہے ، کہ دل پر جمی ملی کائی
بہت دنوں سےتو یہ حوض صاف بھی نہ ھُوا
ھوائے دہر ، ہمیں کس لیئے بجھاتی ہے
ہمیں تو تجھ سے کبھی اختلاف بھی نہ ھُوا
مزید پڑھیں
