چاندنی کو رسول کہتا ہوں – ساغر صدیقی

چاندنی کو رسول کہتا ہوں

چاندنی کو رسول کہتا ہوں

بات کو با اصول کہتا ہوں

 

جگمگاتے ہوئے ستاروں کو

تیرے پاؤں کی دھول کہتا ہوں

 

جو چمن کی حیات کو ڈس لے

اس کلی کو ببول کہتا ہوں

 

اتفاقاً تمہارے ملنے کو

زندگی کا حصول کہتا ہوں

 

آپ کی سانولی سی مورت کو

ذوق یزداں کی بھول کہتا ہوں

 

جب میسر ہوں ساغر و مینا

برق پاروں کو پھول کہتا ہوں

مزید پڑھیں

admin

http://fruit-chat.com

میری موج میری سوچ

Leave a Reply

Your email address will not be published. Required fields are marked *