سارے لوک خُداواں وَرگے
ساڈے ھتھ دُعاواں وَرگے

مہندی رنگیاں سَدھراں موئیاں
ھو گئے وال کپاھواں وَرگے

ھُن تے نِکی عُمرے کُڑیاں
سفنے ویکھن ماواں وَرگے

روز بنیرے دُکھ آ بہندے
کال کلوٹے کاواں وَرگے

اج کل تے سبھ رشتے ناطے
گل وِچ آئیاں پھاھواں وَرگے

جنیاں گُجھی تَون جیہیاں نیں
جنے نیں تتے تاواں وَرگے

دََم دَمَ سچو سَچ بھلیکھے
راھواں وِچ کُراھواں وَرگے

ساڈے سُکے ساہ دے لیکھے
عمروں وَدھ سزاواں وَرگے

پنجابی ویڑھ