کہہ نہ سکیا یار نوں چُپیاں کھا گئیاں

لوکو میرے پیار نوں چُپیاں کھاگئیاں

راتاں جبھ کٹیتی تے میں چپ ہویا

اگلے دن اخبار نوں چُپیاں کھا گئیاں

جہندی راہ نوں تکدے اکھیاں تھک گئیاں

آیا۔ جد بیمار نوں چُپیاں کھا گئیاں

اگوں رولا پایا جد بندوقاں نے

ڈگ کے پہرے دار نوں چُپیاں کھا گئیاں

پہلاں مینو رج کے کھادا بھکاں نے

مڑ کے میرے گھار نوں چُپیاں کھا گئیاں

اک واری پھل ویچ لئے سی مالی نے

اگلی وار بہار نوں چپیاں کھا گئیاں

ساڈے اک سرکار نے بُل٘ھ چا سیتے سی

بس فیر اوس سرکار نوں چُپیاں کھ گئیاں

تجمل کلیم

انتخاب:عامر علی