بیڑا بنے لا ربا
ایہہ دنیا رڑدی جاندی دا
کتے بیڑا بنے لا ربا
ایہ راہی راہوں گھسے نیں
آئے بلدی دے بوتھے نیں
ایہ بندے تیرے ای بندے نیں
توں کجھ نہ کجھ سمجھا ربا
اے دنیا رڑدی جاندی دا
کتے بیڑا بنے لا ربا
اے بندے حالوں خاکی نیں
آسمان دی لاہندے ٹاکی نیں
دوزخ دی کھولی تاکی نیں
توں آپی ای ٹھنڈی پا ربا
ایہہ دنیا رڑدی جاندی اے
کتے بیڑا بنے لا ربا
اوہدی اجے کیسری چنی سی
اوہدی کوئی مراد نہ اپنی سی
اوہدے مہندی والے ہتھاں توں
لمباں دی پیندی بھاء ربا
ایہہ دنیا رڑدی جاندی اے
کتے بیڑا بنے لا ربا
1 Comment
[…] بیڑا بنے لا ربا […]
Comments are closed.