گھنڈ مکھڑے توں لاہ او یار
گھنڈ مکھڑے توں لاہ او یار
گھنڈ تیرے نے انھے کیتے
کئی پھردے نیں چپ چپیتے
کئیاں زہر پیالے پیتے
کئیاں خون جگر دے پیتے
کئیاں اپنی کھل لہوائی
کئی چڑھے نیں اتے دار
کھنڈ مکھڑے توں لاہ او یار
چار دیواری اٹاں دی اے
برج اٹاری اٹاں دی اے
کھیڈ کھڈاری اٹاں دی اے
سب اسری اٹاں دی اے
اٹاں دے نال اے اٹ کھڑکا
میں میں وچوں مکا او یار
کھنڈ مکھڑے توں لاہ او یار
وید کتاباں پڑھ پڑھ تھکا
کجھ نہ بنیا کچا پکا
اوڑک رہ گی ہکا بکا
مکے گیا تے کجھ نہ مکا
اینویں مک مکئے کاہدے
مکدی گل مکا او یار
کھنڈ مکڑے توں لاہ او یار
مسجد مندر تیرے لئی اے
باہر اندر تیرے لئی اے
دل قلندر تیرے لئی اے
سک اک اندر تیرے لئی اے
میرے کول تے دل ای دل اے
اوہدے وچ سما او یار
گھنڈ مکھڑے توں لاہ او یار
مکدی گل مکا او یار
