ایس دنیا وچ کیہہ رہیا جھتے پیار تے ڈاکے پیندے نیں
ایہناں نوں کیہ کہنا جیڑے بندے خدا بن بہندے نیں

ایہہ گھنگھرو نہیں زنجیراں نیں
دنیا نے پیریں پائیاں
ایہہ چھنکدیاں رسوائیاں
سندا نہیں کوئی دہائیاں
ایہہ گھنگھرو نہیں زنجیراں نیں

کدی کہندے نچ بازاراں وچ
کدی چندے رہے دیواراں وچ
رہی شرم نہ رانجھن یاراں وچ
ہوئیاں لکھاں بے بس ہیراں نیں
ایہہ گھنگھرو نہیں زنجیراں نیں

دل ساتھ نہ دیوے تے ہنسنا کییہ
ایس پاپ دی دنیا وچ وسن کییہ
حال اپنا کسے نوں دسن کیہ
چپ رہنا ای تقدیراں نیں
ایہہ گھنگھرو نہیں زنجیراں نیں

حبیب جالب