جالب سائیں کدی کدائیں چنگی گل کہہ جاندا اے
لکھ پوجھو چڑھدے سورج نوں آخر ایہہ لہہ جاندا اے

باجھ ترے اوہ دل دے ساتھی دل دی حالت کیہ دساں
کدی کدی ایہہ تھکیا راہی رستے وچ بہہ جاندا اے

ساندل بار وسیندئیے ہیے وسدے رہن ترے ہاسے
دوپل تیرے غن دا پروہنا اکھیاں وچ رہ جاند اے

ہائے دوابے دی اوہ دنیا جتھے محبت وسدی سی
ہنجو بن کے دکھ وطناں دا اکھیاں چوں ویہہ جاند اے

فجرے اوہ چمکاندا ڈٹھا جالب ساری دنیا نوں
راتیں جیہڑا سیک دکھاں دے ہس ہس کے سہہ جاندا اے

حبیب جالب