کہندی کدان
شکر دوپہری شریں دی چھاویں
وان دی منجی تے بہاں دے سراہنے
اکھ جے لگی سفنے اچ مل پئی
کہندی کداں میں کہیا ٹھیک آں
کہندی کم کی کرنا میں کہیا مالا جپنا
یاد وی کرنا ساہ جو باقی
روٹی کھانا تیرا ناں جو لینا
سفنے اچ آئی ساں نیند جو آوے
سوندا کیوں نہیں میں کہیا تڑپ جگاوے
آوندی اڈیک نہیں مکدی میں کہا جندڑ باقی
کہندی آجاواں میں او دن نہ آوے
کہندی تیری نہیں آں میں کہیا تیری مرضی
یاد اچو کڈ دے میں کیا روح جو جاوے
چاوناں کی ایں اگ ساڑ مکاوے
جھلا تے نہیں اے جھگ سداوے
ڈیرے کتھے جنگل بیلے
اےگل میری سن کے سوچی جئی پے گئی
میں کہا گل سن
میں ٹرن جو لگنا میرے پیر نیئں اٹھدے
لک وی دورا ہند جاوے
ہھتاں دی کمبھنی لکدی نہیں ہن
وال وی کال ناں دے رہ گئے
اکھاں چوں وی نیر نہیں سکدے
جب وی گل گل ول پئی کھاوے
سجھنا کادا بدلہ لتا ائی
تتی ریت تے چھڈ دتا ای
کیڑی نیہری کل گئی اے
جندڑی میری رل گئی اے
مینوں کوئی سمجھ نی آوے
دن کدوں تے رات کد چھاوے
کوئی مینوں آسمجھاو
جگر چون اونوں کڈ لے جاو
ساہ جے میرے ڈبدے جاندے
سمجھ نہ آوندی ڈبدے نہ رہندے
کدہر جاواں ڈیرہ لاواں
کیڑے پاسے منہ کر جاواں
کجھ تے دس دے
کجھ کہ جا مینوں
کہندی بہ جا بہ جا
وڈا رانجھا بنیا
کھل کھل ہسی
میں اودا مکھ پیاتکدا
اودا کوکا جھگ مھگ جھگ مھگ کردا
گتھ نو ہوا وچ ول جیا دے کے
کہندی کداں میں کہیا ٹھیک اں
کہندی کداں میں کہیا ٹھیک آں
