جن قوموں سے غیرت اٹھ جائے ۔۔۔۔۔

سمجھنے کی بات یہ ہے

ایک شخص جس کی دنیا کے چھ براعظم میں دولت ہے اور خاندان کا تقریبا ہر کاروبار میں تجربہ۔۔۔۔۔۔۔

 صبح اٹھتےہیں ، خوبصورت سوئمنگ پول جو کہ حال ہی میں مرمت کروایا گیا ہے، ناشتہ کرکے اپنے دوسرے گھر جاتے ہیں اور سوٹ تیسرے گھر سے آتا ہے ۔(تینوں گھر اس کا خرچ سرکاری)

نفیس آدمی ہیں، بیش قیمت غیر ملکی درزی کا سلا ئی کیا ہوا سوٹ زیب تن کرنے کے بعد ، عالی شان محل سے نکل کر قیمتی ترین گاڑی میں بیٹھ کر پریس کانفرنس کرنے پانچ ستارہ ہوٹل میں اتے ہیں ۔

 سنٹرلڈ ایئر کنڈیشنڈ حال میں ائے نیم سرکاری میڈیا کی ٹیم  جو کہ ہلکی ریفریشمنٹ سے ابھی فارغ ہوئی ہے ۔

انکے  سامنے انتہائی دکھ کے ساتھ کہتے ہیں ،

“کہ قوم بھکاری ہے ، ہم کشکول لے کے پھرتے ہیں ، بھیک مانگنا پڑ رہی ہے ۔”

اس کے بعد بوئنگ 737 پر 40 رکنی عملہ کے ہمراہ دیار غیر میں کچھ رقم کی امید میں روانہ ہوتے ہیں۔

اور عملہ کے لئے executive class rooms  کا بندوبست پہلے سے ہو چکا ہوتا ہے ۔  

اور اسی قوم کو جونکوں کی طرح نصف صدی سے چپکے ہوئے  تمام خوشامدی ہاں میں ہاں ملانے والے نعرہ مستانہ بلند کرتے ہیں، اور اس غیرت کرنے والی بات کو باقاعدہ مزاح کے ساتھ جوڑ کر غیرت کا باقاعدہ مارنے کا کام جاری ہوتا ہے ۔۔     

ڈیفالٹ ڈرامہ 

اسوقت بھی دنیا میں ایسے ممالک موجود ہیں جو ڈیفالٹ کر چکے ہیں ، ڈیفالٹ میں ہیں لیکن کوئی ملک اس طرح قومی غیرت ختم کرنے کی مہم نہیں چلاتا ،لیڈر مردہ بے ضمیر قوموں کو جھنجھوڑ کرتاریخ کا رخ بدل دیتے ہیں۔

قرض پہلے بھی لیتے تھے ، سود ادا کرتے رہے ہیں ، ریاست نے اپنے بچے فروخت کیئے کبھی اس طرح عزت نفس اور غیرت کا جنازہ سر بازار نہ نکالااب کیوں  ۔

ایران ڈیفالٹڈ ہے 

ترکی 4 بار ڈیفالٹ ہو چکا ہے 

سپین 6 بارڈیفالٹ ہو چکا ہے 

      جس ملک کا جی ڈی پی 346 ارب  ڈالر ہے، اور یہی خاندان کم از کم ایک نسل کی عمر سے اقتدار کی غلام گردشوں میں ہے ، کب سے بھکاری بنا اور کس نے بنایا؟

    بند کمروں کے اجلاس اور لانگ مارچ کی دھول میں ہونے والی قانوں سازیاں بتلاتی ہیں کہ یا تو کارنامہ سرانجام دے چکے ہیں ، یا تیاری کر چکے ہیں ، اور ذہین سازی جاری ہے ۔۔۔۔۔۔

(الفاظ اور جذبات کا تعلق کیا ہے اور کیسے انکو انجینیر کر کے کسی بھی قوم کو پستی کی گہرائی میں دھکیلا جا تے ہے ، آ ئندہ سمجھنے کی کوشش کریں گے )۔