مغلوں کے بارے میں ایک غلط تاثر رہا ہیکہ مغل عیاش تھے اور انکی عیاشی کی وجہ سے سلطنت تباہ ہوئی، سلطنت تب ہی کھڑی رہتی ہے جب سب اپنے اپنے حصہ کا بوجھ اٹھا ئیں۔ میں اکثر سوچتا تا کہ کیسے سالاروں نے اتنی عظیم الشان سلطنت اپنے سامنے تباہ ہونے دی۔ آج وطن عزیز کی حالت دیکھ کر سمجھا ہوں، کہ دنیا شخصی ذہانت کے بدل نظام خواہ کمزور ہی ہو اسکو درست اہمیت دیتی ہے۔

ایک عظیم سلطنت کی کہانی جو فوجی سالاروں کی وجہ سے تباہ ہوئی 

 

نظام کی اہمیت و ضرورت 

انسان کو سماجی حیوان بھی کہا جاتا ہے. انسان ہمیشہ گروہوں کی صورت میں رہتے آئے ہیں ، اورانتظامات کو چلانے  کے لیے ہر دور میں کوئی نہ کوئی نظام موجود رہا ہے۔ 

اگر نظام ریاستی ہو تو اولین ترجیح فرد کی بھلائی، اور اگر شہنشائیت ہو تو فرد واحد کی مرضی و منشا، لیکن تاریخ میں ایک چیز سیکھنے کو ملتی ہے کہ فرد واحد کی بقا بھی رعایا کی بھلائی سے جڑی ہے۔ شہنشاہ ہر شے،بحر و بر کی ملکیت کے باوجود رعایا کی فلاح کرتےہیں تو ہی نظام چلتا ہے۔ نظام میں ہمیشہ ادارے یا افراد کو مخصوص اختیارات اور زمہ داری دی جاتی ہے۔ اگر  کوئی ایک ادارہ  دیگر معاملات میں بھی مداخلت یا حصہ داری کرے تو نتیجہ تباہی  کی شکل میں نکلتا ہے۔

 سلطنت مغلیہ کا عروج

باشاہ صرف فیصلہ سازی کرتا ہے اسکی اصل طاقت اسکے وزرا درباری اور مشیر ہوتے ہیں اور ان فیصلوں پر عمل پزیری سالاروں اور خاص کر سالار اعظم کے بادشاہ کے ساتھ ہونے پر ہی ممکن ہے۔ مشیر اور سالار اچھے ہوں تو اکبر کے 9 رتن کہلاتے ہیں اور اگر نہ ہوں تو سراجالدولہ کی طرح بھرے دربار میں بادشاہ تنہا اور لاچار رہ جاتا ہے۔

 ظہیرالدیں بابر نے  1526 عیسوی میں ابراہیم لودھی کو شکست دے کر  سلطنت مغلیہ  کی بنیاد رکھی, بابر کا تعلق کیونکہ وسطی ایشیا سے تھا، اس لیے اس نے اسی طور پر سلطنت کی داغ بیل ڈالی، لیکن اسکا بنایا انتظامی ماڈل ہمایوں کی شکست کے ساتھ ہی ڈھے گیا، شیر شاہ سوری نے اپنے پانچ سالہ دور حکومت میں جو انقلابی کام کیے وہ بابر کی مغل سلطنت کی کمزوریوں کو دکھاتے ہیں،

عظیم الشان سلطنت مغلیہ جس نے اشوک کے بعد ہندوستان کو ایک تاج کے نیچے اکھٹا کیا اس کی بنیاد اکبر نے رکھی تھی، ایک اچھے منظم کی طرح زمینی حقائق کے مطابق ہر تبدیلیاں کرتا گیا، اور مذہب تک کا فرق مٹا کر متحد کرنے کی کوشش کی۔

مضلیہ سلطنت کا عروج اورنگزیب کے دور میں اپنی آخری حدوں کو چھو گیا اور وہیں سے زوال کا آغاز ہوا۔

اورنگزیب عالمگیر اور عروج سلطنت مغلیہ

اورنگزیب نے کم و بیش صف صدی تک حکومت کی، شنہشاہ بننے کےلیے اورنگزیب کو حسب روایت اپنے والد کے کمزور پڑتے ہی  اپنے بھائیوں اور بھتیجوں سے مقابلہ کرنا پڑا۔ شاہجہاں نے اپنے چاروں بیٹوں کی خوب تربیت کی تھی۔ لیکن مقابلہ صرف شہزادوں میں ہی نہیں سالاروں اور درباری وزراء میں بھی تھا، کسی شہزادے کے ساتھ کتنے سالاراور تنے عمراء کھڑے ہوتے ہیں، یہ بات کسی بھی وقت بازی پلٹ سکتی تھی۔

اس لے دو شہزادے ہی مد مقابل رہے، دارا شکوہ اور اورنگزیب۔

 دارا شکوہ اچھا عامل تھا، اچھا رانما معتدل مزاج ، نرم دل لیکن ایک اچھا سالار نہ تھا۔ ابتدائی چھوٹی کامیابیوں کو فتح سمجھ بیٹھا، لیکن اورنگزیب کے حملہ کے سامنے نہ ٹھہر سکا۔ زنجیروں میں جھکڑ کر دارلحکومت لایا گیا، اور پھر پھانسی چھڑھا دیا گیا۔

اورنگزیب کی شخصیت میں یہاں ایک تضاد پایا جاتا ہے، ٹوپیاں سینے والے شہنشاہ نے تخت کے راستہ میں آنے والے کئی لوگوں کو گرفتار کر کے مختلف جرائم کے الزام میں مغل روایات کے برعکس قاضی کے حکم  کے بغیر سزا دی۔  اپنے پیش روؤں کے برعکس اورنگزیب نے فضول خرچی نہیں کی اور ہمیشہ حالت جنگ میں رہا۔

تخت پر گرفت مضبوظ ہوتے ہی اس نے تمام محاظ کھول دئیے ہر باڈر پر اسکی فوجیں سلطنت کو وسعت دینے میں لگی رہیں۔

اس کے دوع میں مغل سلنطنت نے اپنا عروج چھو لیا۔ دکن کے محاذ نے اورنگزیب کو زچ کیے رکھا ۔ 21 سال کی کوشش کے بعد دکن فتح ہوا۔

 ہر سال قریبا ایک لاکھ لوگ جان سے جاتے اور روپیہ کا کوئی اندازہ نہیں لگایا جا سکتا۔ کوئی فضول خرچی نہ کرنے کے باوجود خزانے پراس ایک جنگ کی وجہ سے بوجھ رہا۔

 مغل افواج کی ترتیب

مغل ریگولر فوج نہیں رکھتے تھے، تمام عہدہ داروں کو انکے گھوڑوں کی تعداد کے لحاظ سے عہدہ دیا جاتا تھا، سب سے نچلا 10 گھڑ سوار سے 25000  ہزاری شہزادوں تک  کار گزاری کے لحاظ سے منصب دئیے جاتے تھے،

منصبدار صوبہ دار  جیسے عہدہ دار اپنے عہدہ اپنے عہدہ کے مطابق اپنے سوار رکھنے کے پابند تھے ۔ ہر سوار دو گھوڑے لازم رکھتا تھا۔ مغلوں کی پیدل سپاہ کی نسبت انکو رقم بھی اچھی ملتی تھی اور یہ نظم میں بھی بہترین تھے۔ پورے ہندوستان میں مغلوں کی سوار فوج کا کوئی مقابلہ نہ تھا۔ان افواج کو تنخواہ دینے کے لیے جاگیریں عطا کی جاتی ،یاکوئی دیگر عہدہ صوبیداری وغیرہ ۔۔
بادشاہ اپنے پاس چند ہزار فوج ہی رکھتا تھا۔ فوج کے علاوہ باشاہ اپنے پاس ذاتی محافظوں کا دستہ بھی رکھتا تھا،جو سب سے اعلی اور وفادار سپاہیوں پر مشتمل تھے۔