شاعرآزادی، استاد دامن
استاد دامن دا تعلق لاہور شہر توں سی۔ سے استاد دامن دی شاعری وچ اندروں لاہور دی سادگی تے سیدھا پن پایا جاندا اے۔ استاد دامن ساری زندگی ادب دی سیوا کیتی تے ہمیشہ حق لگ دی لکھی ، جنرل ضیا دے مارشل لا دے دور وچ اپنی سادہ تے دل لگدی شاعری دے نال وقت دے فرعون نوں للکارا یا ۔ استاد دامن دی
پاکستان دے دو خدا
لااللہ تے مارشل لا
مارشل لا دے جبر دے دور وچ بہت مشہور ہوئی۔
چوہے تے چوری
استاد دامن دی بیٹھک اندرون لاہور وچ بہت شہرت رکھدی سی۔
استاد دامن د اک واقعہ بہت جگہ لکھیا گیا اے، اک پروہنے دے ایا روٹی پانی توں ویلے ہو کے اک نکر وچ روٹی دی چوری پائی جو جگہ جگہ تو چوہے نکل کے کھان لگ پئے۔ پچھن تے آکھیا اینا نو چوری پا دینا تے میرا اصل سرمائیہ کتاباں محفوظ رہندیاں۔
جے ویلے سیر چوہیاں نوں چوری پا دیئے تے اصل خزانہ نہیں کتر دے۔
استاد دامن دی پنڈت نہرو نال ملاقات
استاد دامن نو اصل مشہوری برطانوی راج تو آزادی دی جدوجہد وچ ملی۔ انڈین نیشنل کانگرس دے اک جلسہ دے وچ استاد دامن ہوراں اپنی نظم سنا کے میلہ لوٹ لیا۔۔ پنڈت نہرو نے، انہاں دی سامراج مخالف شاعری سنی تے انہاں نو ’شاعر آزادی دا خطاب دتا۔
حبیب جالب دا استاد دامن نون خراج عقیدت
شاعر انقلاب حبیب جالب استاد ہوراں دے معترف سن، استاد دے سچے دل تے حق دی تڑپ نوں حبیب جالب کجھ ایس طرح لکھیا،
ساڈے دیس نوں چوراں تے ڈاکواں توں نہیں ملنی نجات استاد دامن
اُچ٘ی دھون ہوئی ہور امریکیاں دی، بدلے نہیں حالات استاد دامن
تیرے وانگ جینا تیرے وانگ مرنا سامراجیاں توں آساں نہیں ڈرنا
اسں چھڈنی نہیں حق سچ دی گل کہنا رات نوں رات استاد دامن
اساں لوکاں دے عشق وچ مبتلا ایں لوکی پیار کردے اپنے قاتلاں نوں
ایہہ ساتھ بھاویں ساڈا دین نہ دین دینا لوکاں دا ساتھ استاد دامن
چین کھوہن نہیں دینا لٹیریاں نوں خون پین نہیں دینا وڈیریاں نوں
تیرے ذہین دی سونہہ تیری سوچ دی سونہہ دینی ظلم نوں مات استاد دامن
اساں نال پڑوسیاں نہیں لڑنا اساں بھینٹ امریکہ نہیں چڑھنا
اسں دیس دی نہیں توہین کرنی لینی نہیں خیرات استاد دامن
فیض احمد فیض دا جنازہ
فیض احمد فیض دے جنازے تے گئے تے دنیا نے اس بندہ نوں دھاڑاں مار روندیا و کھیا جیڑا سامراج مارشل لا تے ھٹو دے جبر اگے وی ڈٹ کے دہیا سی تے کہ ریا سی اکلی واری میری تے ٹھیک 13 دن بعد تین دسمبر 1984 نو 73 سال اچ عمر میں آپ وفات پا گئے۔
آپ دی وصیت دے مطابق آپ نو حضرت شاہ حسین کے مزار دے احاطے اچ دفنایا گیا۔