معاف کریں خود کو خود کیلئے

خود کو معاف کرنا اصل میں بہت مشکل اور فوری اثر لانے والاعمل ہے,خود کو معاف کریں۔

        اذیت رسانی سے

           نفرت سے

          حسد سے

          بغض سے

         بدلہ آگ سے

         ناکام خواہشات سے

         نہ ختم ہونے والے انتظار سے

       تکیف دہ جذبات سے

       تکلیف دہ تعلقات سے(Toxic relations)

انسان اپنے اندر جذبات اور خواہشات کی ایک دنیا لیے ہوئے ہے لیکن درج بالا عوامل جب انسان اپنے اندر رکھنا شروع کرتے ہیں تو ، غیر محسوس طور پر منفی انرجی کو تحریک ملتی ہے ، جس آہستہ آہستہ انسانی صحت ، سوچ اور روح تک متاثر ہوتی ہے ۔

جب آپ کسی کے ساتھ نفرت کرتے ہیں بغض اور حسد کو دل میں رکھتے ہیں تو کیسے ممکن ہے دل میں سکوں آے ، اگر ناکام خواهشات کی عدم تکمیل کی اذیت اٹھاۓ رکھیں گے تو کیسے سوچیں یکسو اور باعمل ہو گی ،اگر بدلے کی آگ دل میں رہے تو نیند سکوں کی کیسے آے گی ۔

مثلاً اگر ایک شخص آپکو گالی دیتا ہے اور اپ اس سے فوری بدلہ نہیں لے پاتے اور اس کے اس عمل کو دل سے نکالنے میں بھی ناکام رہتے ہیں ، تو وہ شخص تو شائد آپ کو اور اس عمل کو چند گھنٹوں بعد بھول بھی جاۓ ، آپ اپنے وجود کو مسلسل اذیت دیتے رہیں گے سوچتے رہیں گے اور کڑہتے رہے گے۔

خود پر ظلم مت کریں

ظلم کرنے والا ایک دفعہ ظلم کرکے شائد بھول بھی جاے لیکن ،مظلوم اس ظلم کا بوجھ اٹھاے پھرتا رہتا ہے اور اسی بوجھ میں اس کی شخصیت ختم ہو کر دفن ہو جاتی ہے۔

یہی تکلیف جب اندر پروان چڑھے خیالات اور جذبات پراگندہُ ہونے لگتے ہیں ۔۔بے سکونی،ناشکری ، افسردگی،اداسیت،بیماری سب ہاوی ہو جاتے ہیں

جیسے جیسے اندر بدبو بڑھتی ہے اس کے اثرات سوچ جسم چہرے گفتگو، رویوں آور خاص کر آنکھوں میں اترتے ہیں ۔ ہر عمل کو اکُ خاص عینک سے دیکھنے پر غیر ارادی طور پر مجبور ہو جاتا ہے۔معاف کت دینا ذات کی تعمیر کے لیے ضروری ہے۔جذبات کو روکیں مت بہہ جانے دیں کتھارسس یہی ہے۔

جتنے بھی بڑے فلسفی دنیا میں آۓ معاف کردینے کو انسان کی شخصیت کے لیے بنیادی وصف کے طور پرگنتے ہیں

افلاطون اور ارسطو نے معافی کو ،انتظامی سطح معاشرہ کے لیے زہر قاتل سمجھا ہے ، انصاف اور عدل کی رو سے لیکن جب بات فرد واحد کی انندونی تکلیف کی ہو ۔

سقراط اور معافی کا فلسفہ

سقراط کہتا ہے۔

“رب کو سمجھنے کے لیے اور حکمت پانے کے لیے معاف کرنا ضروری ہے”

اسی طرح مزید کہتا ہے:

“ نسل انسانی کو روح سے زیادہ خیال مال و دولت اور مقام و نام کا رکھتے ہیں ،روح کی بھلائی معاف کرنے میں ہے۔۔”

اس کا ماننا تھا:

“ خدا کی طرف سے اس کا مشن اپنے ہم وطنوں کی جانچ کرنا اور انہیں اس بات پر قائل کرنا ہے کہ انسان کے لیے سب سے اہم بھلائی روح کی صحت ہے۔”

اصل معافی کیا ہے۔

سچی معافی “جانے دینے “سے بالاتر ہے ،کچھ مثبت پیش کرنا۔ مجرم کے تئیں ہمدردی، اور سمجھ بوجھ پیدا کرنا،مشکل ہے مگر کیے جانے کے قابل عمل ہےاور فوری اثر لانے والا عمل ہے۔۔۔

شیکسپیر اور معافی

اور شیکسپیر نے تو معافی کے فلسفہ کو کوزےبند کر دیا

تفصیل کھول دی۔۔۔۔

“رنجش، انتقام اور انتقام کے لیے ادا کی گئی خوفناک قیمت۔ ان جذبات کے زیر اثر دردناک واقعات ذہن میں موجود رہتے ہیں، جو ہماری سکون اور خوشی تلاش کرنے کی صلاحیت کو ختم کر دیتے ہیں۔”

اب شیکسپیر نے ہی اسکا علاج ۔۔۔۔

‏It is in pardoning that we are pardoned

‏pardon him, as God shall pardon me

اصل معافی ہے کیا ، اختیار ہوتے ہوۓ معاف کرنا ، خود کو روکنا کتنا مشکل ہے اور کسی کو معاف کرنے سے شائد اسکو فرق نہ ہڑے لیکن اپنے آپ پر گویا احسان کیا ہو۔

معاف کرنا سنت رسول ﷺ

اور کیا ہی افضل زندگی گزاری ہمارے نبیﷺ نے انکی زندگی ہمارے لیے مشئل راہ ہے ۔۔۔

وحشی جب 8ہجری میں طائف کے ایک وفد کیساتھ مشرف بہ اسلا م ہونے مدینہ منورہ آئے اور نبی کریم (ص)کواس کی اطلاع دی جاتی ہے تو ارشاد فرمایا:

’’ اسے آنے دو،ایک شخص کا مسلمان ہونامیرے نزدیک ہزار کافروں کے قتل سے بہتر ہے۔‘‘

یہ فرماکر اس کی تمام غلطیوں کو معاف کر کے اسکا اسلام قبول فرمالیتے ہیں۔ اسے نصیحت کرتے ہیں:

’’اے وحشی! بے شک تم دائرۂ اسلام میں داخل ہو گئے ہولیکن ممکن ہو تو میرے سامنے مت آیاکرواس لئے کہ تم کو دیکھ کر پیارے چچاکی یاد تازہ ہوجاتی ہے۔‘‘

اللہ تعالیٰ نے انسان کو زندگی کا بہت خوبصرت تحفہ دیا ہے ، اسکا لطف لیں شکر ادا کریں ، اہنے آپکو منفی جذبات سے آزاد کریں ، یہی منفی جذبات دکھ تنہائی آوارگی کا باعث بنتے ہیں سونے سے قبل معاف کر کے سوئیں اور خدا سے اپنے عملوں کی معافی مانگیں ۔۔۔